Bu gün keçiriləcək iki oyunla Azərbaycan Premyer Liqasında IX tura start veriləcək.
Sportnet.az-ın məlumatına görə, qarşılaşmalar bölgələrdə debütantların iştirakı ilə təşkil olunacaq.
Şamaxı şəhər stadionunda "Karvan-Yevlax" "Turan Tovuz"u, Qəbələ şəhər stadionunda "Kəpəz" "İmişli"ni qəbul edəcək.
"Karvan-Yevlax" və "İmişli" Premyer Liqanın debütantları olduğundan, onlar bugünkü rəqibləri ilə əvvəllər heç vaxt üz-üzə gəlməyiblər.
8 turdan sonra "Turan Tovuz" 15 xalla 2-ci, "İmişli" 9 xalla 8-ci, "Karvan-Yevlax" 5 xalla 11-ci, "Kəpəz" 3 xalla 12-cidir.
Azərbaycan Premyer Liqası, IX tur
24 oktyabr (cümə)
14:30. “Karvan-Yevlax”– “Turan Tovuz”
Hakimlər: Elvin Bayramov, Şirmamed Mamedov, Kərim Zeynalov, Əli Əliyev
VAR: Əliyar Ağayev
AVAR: Teymur Teymurov
Hakim-inspektor: Asim Xudiyev
AFFA nümayəndəsi: Nəriman Axundov
Şamaxı şəhər stadionu
17:00. “Kəpəz” – “İmişli”
Hakimlər: Kamal Umudlu, Vüsal Məmmədov, Zöhrab Abbasov, İslam Məmmədov
VAR: Cavid Cəlilov
AVAR: Müslüm Əliyev
Hakim-inspektor: Rəhim Həsənov
AFFA nümayəndəsi: Eldar Məmmədov
Qəbələ şəhər stadionu
Qeyd edək ki, turun qalan oyunları 25-26 oktyabrda keçiriləcək.
