Roberto Mançini İtaliya yığmasının "sükanı arxası"na keçməyə dair ilkin razılığını verib. Sportnet.az-ın "Corriere dello Sport"a istinadən məlumatına görə, tərəflər arasında baş tutan danışıqlar uğurlu alınıb.
Milli komandada çalışmaq naminə Mançini məvacibinin azaldılmasına getməyə hazırdır.
"Skuadra adzurra"nın baş məşqçisi vəzifəsinə namizədlər sırasında Massimiliano Alleqri, Luçano Spaletti, Roberto Baco, Françesko Qvidolin və Antonio Kontenin adları çəkilirdi.
Mançininin son iş yeri Türkiyənin "Qalatasaray" klubu olub. Lakin müqaviləsinin bitməsinə 1 il qalmasına baxmayaraq, tərəflər qarşılıqlı şəkildə anlaşmaya xitam veriblər.
Çezare Prandelli DÇ-2014-ün qrup mərhələsindəki uğursuzluqdan sonra Çezare Prandelli İtaliya yığmasının baş məşqçisi vəzifəsindən istefa verib.
Qeyd edək ki, İtaliya yığması Azərbaycan milli komandasının Avropa çempionatı-2016-nın seçmə mərhələsində rəqibidir.
