"Neftçi” futbol klubunun Müşahidə Şurasının sədri Çingiz Abdullayevin şəxsi "Facebook" səhifəsində etdiyi paylaşım son günlər idman mediasında müzakirə mövzusuna çevrilib. Sportnet.az-ın məlumatına görə, Abdullayevin klubun sabiq rəhbərlərinin ünvanına söylədikləri birmənalı qarşılanmayıb.
AFFA-nın baş katibi Elxan Məmmədov da məsələyə münasibət bildirib. O, bu cür hadisələrə mənfi münasibət bəslədiyini söyləyib: "Təbii ki, münasibətim mənfidir. Bir azarkeş kimi buna müsbət rəy verə bilmərəm. Çünki futbol belə mövzulardan uzaq olmalıdır. Futbolun idman tərəfini, azarkeşləri daha çox düşünməliyik. Belə söhbətlərdən uzaq olmaq lazımdır. Azarkeş belə mövzuları sevmir, onlara baxımlı futbol lazımdır. Ümid edirəm ki, bu yaxınlarda klub belə mövzulardan uzaqlaşacaq".
