"Qəbələ" İdman Klubuna məxsus olan eyniadlı qəzet bağlanıb. Sportnet.az-ın məlumatına görə, bu barədə qəzetin əməkdaşı Mehman Süleymanov sosial şəbəkədə bildirib.
o yazıb: "Facebook"dakı budəfəki müraciətim əvvəlkilərdən tam fərqlidir. 15 illik jurnalist karyeramda 3-cü iş yerimdə fəaliyyətim başa çatdı. Bu, 2013-cü ilin sentyabrın 16-dan çalışdığım "Qəbələ Ik Qəzeti"ndən öz istəyimlə ayrılmağımla bağlı yox, qəzetin fəaliyyətini dayandırmasıyla əlaqədardır. Bu, mənim üçün nə qədər üzücü xəbər olsa da, artıq bir reallıqdır və onu qəbul etməliyəm. Hər halda, "Qəbələ İK"da çalışdığım bu 2 il 5 aylıq müddət mənim üçün xoş xatirələrlə zəngin oldu. Ən azı ona görə ki, əsas komandamızın tarixi uğurlarına bir "Qəbələ"li kimi canlı şahid oldum. Həyat isə davam edir və növbəti mərhələyə qədəm qoymalısan. Bu mənada yeni təkliflər gözləyirəm və onları nəzərdən keçirməyə hazıram. Diqqətinizə görə əvvəldən minnətdarlıq edirəm".
M.Süleymanov Sportnet.az-a açıqlamasında deyib ki, cari il üçün təsdiqlənən büdcədə qəzetə maliyyənin ayrılması nəzərdə tutulmayıb.
