"Finance Football" AVRO-2016-da iştirak edəcək yığmaların baş məşqçilərinin əmək haqqını açıqlayıb. Sportnet.az-ın məlumatına görə, siyahıya İngiltərə millisinin baş məşqçisi Roy Hocson rəhbərlik edir.
68 yaşlı mütəxəssisin illik maaşı 5 milyon avrodur ki, bu da ayda 416 min avro edir. İlk "3-lüy"ə İtaliya millisindən Antonio Konte (4,6 milyon avro illik, 383 min avro aylıq) və Türkiyə yığmasından Fatih Terim (illik 3,5 milyon avro, aylıq 291 min avro) də düşüb.
Ən az maaş alan baş məşqçi Rumıniya millisinə rəhbərlik edən Angel İordaneskudur. O, ildə 120 min avro (ayda 10 min avro) qazanır. Rusiya yığmasının sükanı arxasındakı Leonid Slutski maaşsız çalışır. O, eyni zamanda çalışdığı Moskva MOİK-indən qazanır. Macarıstan yığmasındakı Bernd Ştorkun qazancını isə müəyyənləşdirmək mümkün olmayıb.
