Sabah Azərbaycan Premyer Liqasında 4-cü dövrəyə start veriləcək. Sportnet.az-ın məlumatına görə, ardıcıl 2-ci dəfə turun oyunları eyni gündə keçiriləcək. Çərşənbə günü olduğu kimi, bazar günü də 5 matç olacaq.
Turun mərkəzi oyunu əyalətdə baş tutacaq. Bu, son turun uğursuzlarının, eyni zamanda turnir cədvəlində "qonşular"ın dueli olacaq. Ancaq "İnter”dən fərqli "Qəbələ” artıq 3 matçdır neydanə məğlub tərk edir. Özü də bunlardan ilk 2-si öz meydanında olub. Nəticədə Roman Qriqorçukun komandası artıq 5-ci sıraya düşüb. Bu mənada Qəbələdəki oyunu 6 xallıq matç saymaq olar. Meydan sahibləri qalib gələcəyi həm uğursuzluq seriyasında son qoyacaq, həm də "İnter”ə çatacaq. Ardıcıl 4-cü məğlubiyyət "bankirlər”lə xal fərqinin 6-ya artmasına gətirib çıxacaq ki, bu da bürünc medal uğrunda mübarizədə komandanın işini çətinləşdirəcək.
Turun digər maraqlı oyunu Şüvəlanda keçiriləcək. Burada isə ötən turun qalibləri görüşəcək. "Kəpəz” ardıcıl 5-ci qələbəsini AZAL üzərində qazanmağa köklənib. "Təyyarəçilər” isə öz meydanında qalib gəlmək bacarığını bu dəfə Azərbaycanın ən titullu klublarından birinə göstərmək iddiasındadır.
Lider "Qarabağ”ı ardıcıl 2-ci turdur autsayderlə sınaq gözləyir. Ancaq bu dəfə səfər matçı olacaq. "Xəzər Lənkəran” üzərində gözlənilən qələbə Ağdam təmsilçisinə liderliyini bir qədər də möhkəmləndirməyə imkan yaradacaq.
"Qarabağ”ın ən yaxın izləyicisi olan "Zirə” "Sumqayıt”la ev oyununda aşkar favoritdir. Adil Şükürovun yetirmələri 2-ci pillədə mövqeyini qoruyub saxlamaq üçün mütləq qalib gəlməlidir. "Neftçi” isə yenə Bakı derbisində səfər komandası olacaq. Ancaq bu dəfə rəqib mükafatlara iddialı "İnter” yox, son pillənin sahibi "Rəvan”dır.
3 aprel
15:00. AZAL – "Kəpəz”
Hakimlər: Fariz Yusifov, Vaqif Musayev, Knyaz Əmiraslanov, Ramil Əhmədov
AFFA nümayəndəsi: Abbas Hüseynov
Hakim-inspektor: Kərim Ağayev
Bakı. "AZAL Arena” stadionu (canlı / CBC Sport)
16:00. Xəzər Lənkəran” – "Qarabağ”
Hakimlər: Ramil Diniyev, Nahid Əliyev, Vüsal Qənbərov, Fərid Məmmədov
AFFA nümayəndəsi: Arif Fərəcov
Hakim-inspektor: Fazil Mürşüdov
Lənkəran. "Xəzər Lənkəran” mərkəzi stadionu
16:00. "Zirə” – "Sumqayıt”
Hakimlər: Əliyar Ağayev, Zeynal Zeynalov, Mübariz Haşımov, Mahir Məmmədov
AFFA nümayəndəsi: Vaqif Davudov
Hakim-inspektor: Əhmədağa Cabbarov
Bakı. Zirə İdman Kompleksinin stadionu
17:00. "Rəvan” – "Neftçi”
Hakimlər: Ömər Paşayev, Mehman Mahmudov, Coşqun Həsənov, Ziya Nəsirov
AFFA nümayəndəsi: Eldar Qasımov
Hakim-inspektor: Əli Hüseynov
Bakı. "Bayıl Arena” stadionu
19:00. "Qəbələ” – "İnter”
Hakimlər: Rəhim Həsənov, Yaşar Abbasov, Namiq Hüseynov, Orxan Məmmədov
AFFA nümayəndəsi: Rauf Əmirov
Hakim-inspektor: Rövşən Əhmədov
Qəbələ. Şəhər stadionu (canlı / CBC Sport)
