"Kəpəz”in gənc futbolçusu Budaq Nəsirov antorekordu ilə diqqət çəkir. Sportnet.az-ın məlumatına görə, Azərbaycanın 21 yaşadək futbolçulardan ibarət yığma komandasına cəlb olunan yarımmüdafiəçi cari çempionatda ən çox sarı vərəqə alan futbolçudur.
Hazırda Nəsirovun hesabında 12 sarı vərəqə var. Bu isə o deməkdir ki, futbolçu artıq 3 dəfə cəzalı duruma düşüb. "Kəpəz”in yarımmüdafiəçisi bu üzdən Premyer Liqanın son turunda AZAL-a böyük hesabla udzduqları (0:3) səfər matçını kənardan izləməli olub. Özü də Nəsirov bunadək 4 oyun dalbadal sarı vərəqə alaraq cəzalı durumla üzləşib.
Premyer Liqada
ikinci ən çox sarı vərəqə alan futbolçu da Azərbaycan millisinin üzvüdür. Bu, əsas yığmanın futbolçusu Ruslan Qurbanovdur. "Neftçi"nin hücumçusu Nəsirovdan cəmi 1 vərəqə az alıb - 11 sarı vərəqə. Bu isə o deməkdir
ki, Qurbanov qarşıdakı turda "Xəzər Lənkəran”la "Böyük oyun”da da "sarı”
alarsa, cəzalı olacaq.
"Neftçi”nin hücumçusu çempionatda digər göstəricidə də 2-dir. Ancaq bu, müsbət göstərici olan bombardirliklə bağlıdır. Hesabında 9 qol
olan Qurbanov ən sərrast oyunçu olan salvadorlu Nelson Bonilyadan ("Zirə”) cəmi 1 qol geri
qalır.
