Azərbaycan milli komandasının futbolçusu Vüqar Nadirov Bakı "İnter"inin heyətində Azərbaycan Premyer Liqasında ilk qolunu vurub. Sportnet.az-ın məlumatına görə, 29 yaşlı hücumçu AZAL-la "İnter Arena"dakı qarşılaşmanın 64-cü dəqiqəsində fərqlənib.
Nadirov qolunu bir neçə addım atdıqdan sonra əsgər salamı ilə qeyd edib. Beləliklə, o, son günlər cəbhədə şəhid olmuş əsgərlərin və 1990-cı illərdə erənilərlə döyüşlərdə dünyasını dəyişmiş atası Ərşad Nadirovun ruhuna ehtiramını bildirib. Təcrübəli forvard 86-cı dəqiqədə yerini Elnur Abdullayevə verib.
Qeyd edək ki, Vüqar Nadirov "İnter"ə qışda keçib. O, "bankirlər"in heyətində qol hesabını elə "İnter Arena"da Azərbaycan Kubokunun 1/4 final mərhələsinin cavab görüşündə açıb.
