Azərbaycan Premyer Liqasının XXV turunda "Neftçi" ilə oyunda agır zədə alan AZAL-ın futbolçusu Taqim Novruzov xaricdə əməlliyat olunacaq. Sportnet.az-ın məlumatına görə, həkimlərin "sağ diz oynağının ön çarpaz bağlarının tam qopması" diaqnozu qoydugu futbolçu iki gün sonra Ukraynanın paytaxtı Kiyevə yola salınacaq.
Artıq klub rəhbərliyi əməliyyat üçün bütün təşkilati işləri başa çatdırıb. Kiyevin "Doktor Linko" klinikası ilə müqavilə bağlanılıb və aprelin 14-də futbolçu əməliyyat masasına uzanacaq.
Qeyd edək ki, T.Novruzovu ukraynalı cərrah Vladimir Novikov əməliyyat edəcək. Onun aprelin 19-da Bakıya qayıdacağı gözlənilir.
