"Neftçi" klubu bir futbolçusunun xidmətindən məhrum olub. Sportnet.az-ın məlumatına görə, Kamran Nəcəfzadə zədə səbəbindən mövsüm sonunadək meydana çıxmayacaq.
Qış fasiləsində keçirilmiş "CBC Sport Kuboku"nda zədələnən yarımmüdafiəçi hələ də bərpa olunmayıb. Həkimlər 19 yaşlı futbolçunun qarşıdakı 7 turda meydana çıxmayacağını bildiriblər.
Komanda baş məşqçi Vəli Qasımovun rəhbərliyi altında Azərbaycan Premyer Liqasının XXX turunda "Qarabağ"la evdə keçiriləcək oyunun hazırlıqlarına bu gündən start verib. Məşqlər klubun təlim-məşq bazasında keçirilir.
Qeyd edək ki, aprelin 16-da "Bakcell Arena"da keçiriləcək "Neftçi" - "Qarabağ" oyunu saat 16:00-da başlayacaq.
