Fransanın "Lans" klubunun yeni sahibi müəyyənləşir. Sportnet.az-ın məlumatına görə, "Bakı"nın prezidenti Hafiz Məmmədova məxsus klubu Fil Dişi sahilindən olan biznesmen Çarlz Kader Quranın himayəyə götürəcəyi gözlənilir.
47 yaşlı iş adamı bu niyyətdə olması haqda açıqlama verib. Sövdələşmənin bu ayın sonunadək həlllini tapacağı bildirilir: "Lans" məni cəlb etdi. Bu klubda çoxlu afrikalı, o cümlədən, həmyerlilərim oynayır. Bundan əlavə, regionda afrikalı insvetorlar var. "Lans"da heç bir çevriliş planlaşdırılmır. Ancaq 5 ilədək müddətə yaxşı idman layihəsi yaranacaq".
Qeyd edək ki, maddi problemlərə görə "Lans"ı saxlaya bilmədiyindən, Hafiz Məmmədovun klubu satacağı gözlənilir. Komanda hazırda Fransa 2-ci liqasında 6-cı yerdə gedir və bu mövsüm yüksək liqaya namizəddir.
