Türkiyənin "Fənərbağça" klubunun Çempionlar Liqasının III təsnifat mərhələsində Ukrayna "Şaxtyor"u ilə qarşılaşmada rəqibin heyətində dopinqdən istifadə etmiş Fredin meydanda olması səbəbindən UEFA və İdman Arbitraj Məhkəməsinə (CAS) müraciəti cavablandırılıb. Sportnet.az-ın məlumatına görə, artıq məsələ ilə bağlı qərar verilib.
Etiraz nəticəsində FİFA-nın İntizam Komitəsi braziliyalı yarımmüdafiəçiyə 1 il müddətinə cəza verib. Üstəlik, CAS Avropa futbol qurumuna "Fənərbağça"ya təzminat ödəməyi tövsiyə edib.
Qeyd edək ki, "Fənərbağça" iki oyunun nəticəsinə (0:0; 0:3) əsasən, Çempionlar Liqasında yoluna davam edə bilməyib və Avropa Liqasına yollanıb.
