Azərbaycan Premyer Liqasının debütantı "Zirə” ardıcıl 4-cü quru oyununu keçirib. Sportnet.az-ın Peşəkar Futbol Liqasının rəsmi saytına istinadən məlumatına görə, "aslanlar" "Sumqayıt” (1:0), "Rəvan” (4:0) və "Xəzər Lənkəran” (1:0) üzərində qələbələrin ardından "Neftçi” ilə qolsuz heç-heçə edib.
İlk mövsümdür Premyer Liqada çıxış edən zirəlilər 31 turda özünün ən uzun quru seriyasına imza atıb. Komandanın qapıçısı Anar Nəzirov artıq 372 dəqiqədir qapısında qol görmür. O, sonuncu dəfə XXVII turun "Kəpəz”lə qarşılaşmasında qol üzüntüsü yaşayıb. Həmin matçın 78-ci dəqiqəsində komanda yoldaşı Tellur Mütəllimov avtoqol müəllifi olub.
