"Beşiktaş"ın baş məşqçisi Şenol Günəş "Qarabağ"dan söz salıb. Sportnet.az-ın məlumatına görə, təcrübəli çalışdırıcı Super Liqada "Kayserispor"u 4:0 hesabı ilə məğlub etdikləri matçdan sonra azərbaycanlı jurnalistin sualını cavablandırıb.
Həmkarımız Günəşdən Azərbaycan Premyer Liqasında çempionluq mübariəsi aparan "Qarabağ"la yoldaşlıq görüşü keçirməyi düşünüb-düşünmədiklərini soruşub. Türkiyəli çalışdırıcının cavabı belə olub: "Bundan şərəf duyarıq. Azərbaycanla eyni duyğuları bölüşürük və eyni millətik. "Qarabağ" komandasını da tanıyıram. İnşallah, bir gün orada və ya burada matç keçirərik".
Xatırladaq ki, "Qarabağ"ın martda "Qalatasaraya"la Bakıda yoldaşlıq görüşü keçirməsi planlaşdırılsa da, baş tutmayıb.
