"AFFA olaraq, idman prinsiplərinə sadiq qalmalıyıq. Bu mövsüm heç bir klub istisna hal kimi Premyer Liqaya gətirilməyəcək. Ötən il "Rəvan"ı çempionata buraxdıq, amma klubun xalları silindi". Sportnet.az-ın məlumatına görə, bunu İcraiyyə Komitəsinin iclasından sonra AFFA prezidenti Rövnəq Abdullayev keçirdiyi brifinqdə deyib.
O bildirib ki, FİFA və UEFA Azərbaycan Premyer Liqasını monitorinqə götürüb: "Onlar istədikləri vaxt monitorinqi dayandırıb, cəza verə bilərlər. Bu səbəbdən, şəffaflığı qorumalıyıq. Çalışacağıq ki, divizion klublarının lisenziya sənədləri ən azı AFFA-nın tələbləri səviyyəsində olsun".
