Futbol üzrə Amerika Kubokunda bütün yarımfinalçılar müəyyənləşib. Sportnet.az-ın məlumatına görə, ən yaxşı "4-lüy"ə ABŞ, Kolumbiya, Çili və Argentina yığmaları yüksəlib.
Bu gecə keçirilmiş qarşılaşmalarda Çili Meksikanı 7:0, Argentina isə Venesuelanı 4:1 hesabı ilə yenib. Onlar finala gedən yolda müvafiq olaraq, Kolumbiya və ABŞ-ı da məğlub etməlidirlər.
Qeyd edək ki, ABŞ - Argentina matçı iyunun 22-də, Kolumbiya - Çili qarşılaşması isə iyunun 23-də keçiriləcək.
