Azərbaycan klublarının avrokuboklarda qarşılaşdıqları Gürcüstan təmsilçiləri arasında daha birisi əlavə olunub. Sportnet.az-ın məlumatına görə, bu, son çempionatın gümüş medalçısı "Samtredia” klubudur. Klublarımız indiyədək bu ölkədən 4 fərqli rəqiblə "Tbilisi”, "Zestafoni”, "Çixura” və Tiflis "Dinamo”su ilə üzləmişdi.
Oyunların siyahısına nəzərə salsaq, maraqlı məqam üzə çıxır. Belə ki, Azərbaycan ardıcıl 3-cü mövsüm avrokuboklarda Gürcüstan klubu ilə görüşəcək. Özü hər 3 sınaq Avropa Liqasında olub. "Qəbələ” isə ardıcıl 2-ci mövsüm gürcülərlə mübarizəyə başlayacaq. Komanda tarixində qitəmiqyaslı turnirdə ilk qələbəsini, ilk mərhələ keçməsini məhz Gürcüstan təmsilçisi ilə dueldə reallaşdırıb. Bu, Tiflis "Dinamo"su ilə Qəbələdəki matda 2:0 hesablı qələəb ilə olub.
"Qəbələ”dən öncə "Neftçi” 2 dəfə gürcüləri keçib. Bunlardan birincisi sonda Azərbaycanın ilk dəfə Avropa Liqasında qrupa düşdüyü 2012/13 mövsümündə olub. Gürcülərlə yalnız ilk duel bizim üçün uğursuz olub. Bu, "Şəmkir”in "Tbilisi”yə hər 2 oyunda uduzduğu 12 il öncəki dueldir. Bunu nəzərə almasaq, klublarımız həmişə gürcüləri keçib.
Azərbaycan və Gürcüstan klublarının avrokuboklarda görüşləri
UEFA kuboku, 2004/05 mövsümü
"Tbilisi” – "Şəmkir” – 1:0
"Şəmkir” – "Tbilisi” – 1:4
Çempionlar Liqası, 2012/13 mövsümü
"Neftçi” – Zestafoni” – 3:0
"Zestafoni” – "Neftçi” – 2:2
Avropa Liqası, 2014/15 mövsümü
"Neftçi” – "Çixura” – 0:0
"Çixura” – "Neftçi” – 2:3
Avropa Liqası, 2015/16 mövsümü
"Dinamo” (Tiflis) – "Qəbələ” – 2:1
"Qəbələ” – "Dinamo” (Tiflis) – 2:0
