"Neftçi" klubu Türkiyənin Bolu bölgəsindəki təlim-məşq toplanışı çərçivəsində növbəti yoxlama matçına çıxıb. Sportnet.az-ın məlumatına görə, Azərbaycan təmsilçisi Afrika klublarından seçilmiş futbolçulardan ibarət "SİBM Traning Center” komandası ilə qarşılaşıb.
"Neftçi”nin start heyətində Krşevan Santini, Jairo, Vançe Şikov, Dario Melnyak, Məqsəd İsayev, Edson Kastilyo, Rəhman Hacıyev, Elşən Abdullayev, Araz Abdullayev, Ruslan Qurbanov, Fəhmin Muradbəyli yer alıb.
Ehtiyat oyunçular isə Kamran İbrahimov, Elvin Bədəlov, Rahil Məmmədov, Eltun Yaqublu, Kamal Qurbanov, Murad Ağayev, Cavid İmamverdiyev, Aqşin Qurbanlı, Orxan Qurbanlı olub.
Görüş flaqmanın 3:0 hesablı qələbəsi ilə yekunlaşıb. Hesabı 11-də dəqiqədə Ruslan Qurbanovun ötürməsindən sonra Rəhman Hacıyev açıb. Bundan 11 dəqiqə sonra Qurbanov Araz Abdullayevə məhsuldar ötürmə verib. İlk yarı "Neftçi"nin 2:0 hesablı qələbəsi ilə yekunlaşıb. Fasilədən sonra komandamız daha bir qol vurub. 90-cı dəqiqədə Abdullayev özünün ikinci, komandasının üçüncü qolunu vurub. Beləliklə, "Neftçi" 3:0 hesablı qələbə qazanıb.
