Çempionlar Liqasının II təsnifat mərhələsi çərçivəsində baş tutacaq "Qarabağ" - "F91 Düdelanj" (Lüksemburq) qarşılaşmasından öncə keçiriləcək mətbuat konfranslarının vaxtı bəlli olub. Sportnet.az-ın məlumatına görə, iyulun 11-də "Azərsun Arena"nın mətbuat zalında baş məşqçi Qurban Qurbanov saat 18:15-da media mənsublarının önünə çıxacaq.
Son məşq isə saat 18:45-də Suraxanı qəsəbəsində yerləşən klubunun bazasında baş tutacaq. Məşqin ilk on beş dəqiqəsi mətbuat və azarkeşlər üçün açıq olacaq.
"F91 Düdelanj"ın baş məşqçisi Dino Topmöller isə iyulun 11-i saat 19:30-da Tofiq Bəhramov adına Respublika stadionunun mətbuat zalında jurnalistlərin suallarını cavablandıracaq. Lüksemburq təmsilçisinin son məşqi saat 20:00-da qarşılaşmanın keçiriləcəyi stadionda baş tutacaq. Saat 19:00-da klub tərəfindən ayrılmış avtobus media mənsublarını "Azərsun Arena"dan mərkəzi arenaya aparacaq.
