"Qəbələ" komandası futbol üzrə Avropa Liqasında növbəti mərhələyə yüksəlib. Sportnet.az-ın məlumatına görə, "qırmızı-qaralar" turnirin II təsnifat mərhələsində Macarıstanın MTK klubunu mübarizədən kənarlaşdırıb.
Ötən həftə Dyor şəhərindəki ilk oyunda 2:1 hesablı qələbə qazanmış Roman Qriqorçukun baş məşqçi olduğu komanda bu dəfə rəqibini qolsuz yola salıb. Hesab hələ 7-ci dəqiqədə açılıb. Baqali Dabonun ötürməsindən sonra Sergey Zenyov fərqlənib. "Qəbələ" növbəti qolu 37-ci dəqiqədə vurub. Bu dəfə Teo Uiks cərimə zərbəsindən sonra komandasını sevindirib. Fasilədən sonra MTK-nın fərqi azaltmağa cəhdləri səmərə verməyib.
Beləliklə, "Qəbələ" Avroliqanın III təsnifat mərhələsinə yüksəlib. Növbəti rəqib isə Fransanın "Lill" komandası olacaq. İlk oyun iyulun 28-də səfərdə, cavab görüşü isə avqustun 4-də Bakıda olacaq.
Avropa Liqası, II təsnifat mərhələsi
Cavab oyunu
21 iyul
21:00. "Qəbələ" (Azərbaycan) - MTK (Budapeşt, Macarıstan) - 2:0
Qol: Sergey Zenyov, 7. Teo Uiks, 37
Baş hakim: Mete Kalkavan
Yan xətt hakimləri: Ceyun Sesigüzel, Esat Sancaktar
Dördüncü hakim: Serkan Çinar (hamısı Türkiyə)
Hakim-inspektor: Vasili Melniçuk (Ukrayna)
UEFA nümayəndəsi: Markku Lehtola (Finlandiya)
Bakı. "Bakcell Arena" stadionu
İlk oyun - 2:1
