İngiltərənin "Midlsbro" klubu "Qəbələ"nin Avropa Liqasında rəqibi olan "Lill"in futbolçusu İbrahim Amadounu transferində maraqlıdır. Sportnet.az-ın məıumatına görə, uzun fasilədən sonra Premyer Liqada qayıdan komanda 23 yaşlı yarımmüdafiəçi ilə müqavilə imzlamağa hazırlaşır.
Bir il öncə "Nansi"dən 2 milyon avroya alınan Amadou dayaq yarımmüdafiəçisi mövqeyində çxış edir. O, ötən mövsüm "Lill"in heyətində Fransa çempionatında 29 oyunda 1 qol vurub və Liqa Kubokunun finalçısı olub. İngilislər transferi qarşıdakı günlərdə həyata keçirə bilsələr, İbrahimi "Qəbələ"yə qarşı oynamayacaq.
Xatırladaq ki, "Lill" qəbələlilərlə ilk matçını iyulun 28-də öz meydanında, cavab oyununu avqustun 4-də səfərdə keçirəcək.
