Futbol üzrə 2018-ci il dünya çempionatının seçmə mərhələsi çərçivəsində Bakı Olimpiya Stadionunda keçiriləcək Azərbaycan – Norveç oyununun biletləri satışa çıxarılıb. SPortnet.az-ın məlumatına görə, ən ucuz - 1-ci kateqoriyalıl biletə 1 manat qiymət qoyulub.
2-ci kateqoriyalı bilet 2 manat, VİP biletlər isə 10 manatdır.
Biletləri 28 Mall Ticarət Mərkəzində, Bakcell Müştəri Xidmətləri mərkəzində (metronun Sahil stansiyasının yaxınlığı), Bakı Olimpiya Stadionunun və "Bakcell Arena"nın kassalarında əldə etmək mümkündür. Həmçinin biletlərin online satışı www.tickets.affa.az saytında da həyata keçirilir.
Qeyd edək ki, oktyabrın 8-də keçiriləcək Azərbaycan - Norveç matçı saat 21:00-da başlanacaq.
