"Azərbaycan yığması ilə oyunun axarını öz xeyrimizə dəyişməyi bacarmadıq".
Sportnet.az AFFA-nın saytına istinadən xəbər verir ki, bunu Azərbaycanla qrup oyunu matçından sonra İran millisinin baş məşqçisi Seyid Naziməlşarieh deyib.
O, 3:3 hesablı heç-heçə ilə nəticələnən qarşılaşmadan sonra görüşün fərqli və bir o qədər də çətin keçdiyini bildirib: "Əlbəttə, qələbə qazanmaq və qrup mərhələsini ikinci pillədə başa vurmaq istəyirdik. Qalib gələcəyimizə inanırdıq. Bunun üçün meydana beşinci oyunçunu da buraxdıq. Erkən qollar vursaq da, çoxsaylı şanslarımız olsa da, hesabı qoruya bilmədik. Artıq növbəti oyuna yaxşı hazırlaşmaq barədə düşünməliyik. Bu gün futzal adına yaxşı oyunun şahidi olduq”.
