Türkiyənin "Bursaspor" klubu ölkə kubokunda "Bayrampaşa"ya 1:0 hesabı ilə qalib gəldiyi səfər matçından qayıdarkən kuryoz olayla üzləşib. Sportnet.az-ın məlumatına görə, komanda üzvlərini daşıyan avtobus Ataköy-Başakşəhir yol ayrıcında körpüyə sıxılaraq çıxılmaz vəziyyətdə qalıb.
Hadisə yerinə gələn polis heyəti sahil yolunu gediş-gəliş üçün bağlayıb ki, bu da tıxaca səbəb olub. Avtobus polis heyətinin də sürücünü yönləndirilməsi nəticəsində düşdüyü vəziyyətdən çıxa bilib. Qısa müddət panikada olan avtobusdakılar polisin müşayiətilə başqa istiqamətlə yoluna davam edib.
