Sloveniyanın "Domjale" klubu azərbaycanlı futbolçu Samir Məsimovu yarım illik icarəyə verəcək. Sportnet.az-ın klubun rəsmi saytına istinadən məlumatına görə, bu barədə idman direktoru Matey Orajem açıqlama verib.
O bildirib ki, transfer bazarında komandaya böyük diqqət var. Orajem hələlik komandanı Marko Alvir, Slobodan Vuk və "Bakı"nın sabiq futbolçusu Lukas Horvatın tərk etdiyini söyləyib. Klub rəsmisi Məsimovun əcnəbi kluba yarım illik icarəyə veriləcəyini də diqqətə çatdırıb.
21 yaşlı yarımmüdafiəçinin Qazaxıstan "Okjetpes"inə keçəcəyi gözlənilir. Məsimovdan əvvəl bu kluba Horvat da keçib. Azərbaycanlı futbolçunun özü isə "Okjetpes"in təlim-məşq toplanışında iştirak edib. Onu yaxın müddətdə rəsmi müqaviləyə imza atacağı gözlənilir.
