Belarus millisinin futbolçusu Aleksandr Qleb karyerasını Rusiyanın "Krılya Sovetov" klubunda davam etdirəcək.
Sportnet.az-ın "Sport-Ekspress"ə istinadən verdiyi məlumata görə, 35 yaşlı yarımmüdafiəçi bu gün Antalayda təlim-məşq toplanışında olan Samara təmsilçisinin düşərgəsinə qoşulub. Belaruslu futbolçu tibbi müayindən keçdikdən sonra onunla mövsümün sonuna qədər müqavilə bağlanılacaq.
Qeyd edək ki, karyerası ərzində London "Arsenal"ı, "Barselona" kimi top-klubların formasını geyinən Aleksandr Qleb, 2012-ci ildə "Krılya Sovetov"da çıxış edib. Onun son iş yeri Belarus BATE-si olub.
