Azərbaycan milli komandasının futbolçusu Ramil Şeydayevin Slovakiyanın "Jilina" klubunda hansı nömrə ilə çıxış edəcəyi müəyyənləşib.
Sportnet.az-ınun məlumatına görə, bu barədə hücumçunun özü "Sport den za dnyom"a müsahibəsində bildirib.
21 yaşlı hücumçu sabiq klubu "Zenit"də olduğu kimi, yeni komandasında da 90 nömrəli formanı geyinəcək.
Şeydayev bildirib ki, hələlik oteldə qalır və yaxın günlərdə mənzil kirayələyəcək.
Qeyd edək ki, Ramil Şeydayev müqavilə ilə Türkiyənin "Trabzonspor" klubuna məxsusdur. Azərbaycan millisinin hücumçusu "Jilina"ya 1,5 illiyə icarəyə verilib.
