Azərbaycanlı futbolçu Amit Quluzadənin çıxış etdiyi Yunanıstanın "Larissa” klubunda baş məşqçi dəyişikliyi baş verib.
Sportnet.az-ın məlumatına görə, Super Liqa komandasını bundan sonra Andre Paus çalışdıracaq.
Hollandiyalı mütəxəssislə mövsümün sonuna kimi anlaşma əldə olunub. O, yeni vəzifədə yunanıstanlı Sakis Tsolisi əvəzləyib.
Qeyd edək ki, 26 oyundan sonra 24 xal toplayan "Larissa” turnir cədvəlinin 12-ci pilləsində qərarlaşıb.
