"Kəpəz"in yarımmüdafiəçisi Serjinyonun Sportnet.az-a müsahibəsi...
- "Qarabağ”la matçda sizə qələbə çox lazım olsa da, məğlub oldunuz. Məğlubiyyəti necə şərh edərdin?
- İlk yarıda biz çox yaxşı oynadıq. Matç çətin alınırdı. Çünki rəqib "Qarabağ” idi. Buna rəğmən, fasiləyədək yaxşı oynayıb qolumuzu vurduq. Amma fasilədən sonra "Qarabağ” daha yaxşı oynadı və nəticədə qalib gəldi.
- Komandanız hesabı açdıqdan sonra nə düşündün: "qələbə bizimdir”, yoxsa "onsuz da "Qarabağ” qalib gələcək”?
- Bəli, bizim ilk məqsədimiz qol vurmaq idi. Yaxşı müdafiə olunurduq, hücumlara da çıxaraq qol vurmaq niyyətimiz var idi. İstəyimiz də alındı. Yaxşı müdafiə olunduq və hesabı açdıq. Amma qol vurandan sonra da uğurlu çıxışımıza inanırdım. Heyf ki, alınmadı.
- Çempionluq uğrunda "Qarabağ” və "Qəbələ” mübarizə aparır. Hər iki komandaya qarşı oynamısan. Hansı komandanı çempionluğa daha iddialı və güclü görürsən?
- Həm "Qarabağ”, həm də "Qəbələ” çox güclüdür. Onlar arasından birini seçmək çox çətindir. Çünki hər ikisinin heyəti güclü, iddialıdır.
- Hazırda "Kəpəz”in 24 xalı var və 4-cü pillədə qərarlaşan "Zirə”dən 7 xal geri qalırsınız. Avropa Liqasına vəsiqə qazanmaq üçün isə 4-cü pilləni tutmalısınız. Bunu həyata keçirə biləcəksiz?
- Qarşıda bizi 4 oyun gözləyir. Bu matçlardan maksimum xallarla ayrılmaq istəyirik. Fikrimiz də oyunlarımıza yönəlib. Başqa bir şey haqda düşünmürük.
- Mayda "Kəpəz”lə müqavilən başa çatır. Hansı klublardan təkliflər almısan, yoxsa hazırkı komandanda qalmağı planlaşdırırsan?
- Bəli, "Kəpəz”lə müqaviləm mayda başa çatır. Qarşıda bizi 4 oyun gözləyir və mən yalnız bu haqda fikirləşirəm. Ola bilsin, Azərbaycandakı çıxışımı davam etdirdim.
- Portuqaliyaya dönməyi necə, düşünürsən?
- Bu haqda hələ düşünməmişəm. Görək də necə alınacaq, ona uyğun qərar verəcəm. Azərbaycandakı futbolu da bəyənirəm, Portuqaliyada oynanılan futbolu da. Hələ ki, bu barədə qərar verməmişəm.
