"Qrupun favoriti Azərbaycan idi və onlar da hər iki görüşdə qalib gəldilər. Biz Azərbaycana qarşı layiqli oyun göstərdik. Sadəcə xal qazanmaq istəyirdiksə, gərək səhvlər etməzdik. Bu görüşdə hansı komanda daha az səhv edəcəkdisə, həmin tərəf də qalib gələcəkdi. Biz bu oyunda çox səhv etdik və uduzduq”. Bunu Sportnet.az-a açıqlamasında Albaniya millisinin üzvü Duyo deyib.
Əslən braziliyalı olan futzalçı Azərbaycan millisini Macarıstanla görüşün favoriti hesab edib: "Macarıstana qarşı biz çox yaxşı mübarizə apardıq. Ancaq təcrübəsizlik bizi qalib gəlməyə qoymadı. Azərbaycanın isə Macarıstana qalib gələcəyi çox inandırıcıdır. Biz Azərbaycanla matçın ikinci yarısında çox yorulduq. Məncə, Azərbaycan Macarıstana qalib gələrək qrupu birinci pillədə başa vuracaq”.
