"Kəpəz” futbol klubu ağız xərçəngindən əziyyət çəkən "Xəmsə” fan-klubunun rəhbəri Adil Məmmədova öz imkanları daxilində köməklik göstərəcək.
Sportnet.az xəbər verir ki, bu barədə "Report”a Gəncə təmsilçisinin mətbuat xidmətindən bildiriblər.
Yardımın hansı formada olacağı açıqlanmasa da, klub A.Mahmudovun durumunu diqqətdə saxlayacağı vurğulanıb.
Qeyd edək ki, aprelin əvvəlində xərçəng diaqnozu qoyulan Adil Məmmədov hazırda Azərbaycan Tibb Universitetinin Onkoloji Klinikası kimyaterapiya şöbəsində müalicəsini davam etdirir.
