"Qarabağ"ın baş məşqçisi Qurban Qurbanovun anasının vəfatı ilə əlaqədar AFFA-nın rəsmi saytı başsağlığı mətni yayıb. Sportnet.az-ın məlumatına görə, mətndə bildirlir:
"Azərbaycan Futbol Federasiyaları Assosiasiyasının rəhbərliyi ölkə futbol ictimaiyyəti adından AFFA-nın İcraiyyə Komitəsinin üzvü, "Qarabağ” Futbol Klubunun baş məşqçisi Qurban Qurbanova anası Güləbatın xanımın vəfatından kədərləndiyini bildirir, mərhumənin ailəsinə və yaxınlarına dərin hüznlə başsağlığı verir. Allah rəhmət eləsin!"
Qeyd edək ki, Qurban Qurbanovun anası bu gecə dünyasını dəyişib. Mərhumla vida mərasimi doğulduğu Zaqatala rayonunda bu gün keçiriləcək.
