17 yaşadək qızlardan ibarət Azərbaycan yığması Monteneqronun paytaxtı Podqoritsada təşkil olunmuş UEFA İnkişaf turnirində ikinci yeri tutub.
Sportnet.az-ın AFFA-nın rəsmi saytına istinadən məlumatına görə, son oyunda Qazaxıstan komandası ilə qarşılaşan yığmamız Lamiyə Qurbanovanın dublu sayəsində 2:0 hesabı ilə qələbə qazanıb.
Xatırladaq ki, yığmamız turnirin ilk oyununda Bosniya və Herseqovina komandasına 1:3 hesabı ilə məğlub olmuş, növbəti qarşılaşmada isə Monteneqro yığmasına penalti seriyasında qalib gəlmişdi.
