İtaliya "İnter"inin rəhbərliyi bu gündən futbolçuları məşq bazasında saxlamağa qərar verib.
Sportnet.az-ın klubun rəsmi saytına istinadən məlumatına görə, bu qərar komandanın qeyri-qənaətbəxş qəbul olunan son nəticələri ilə əlaqədar verilib. Son 5 oyunda "İnter" 3 məğlubiyyətlə üzləşib və 2 heç-heçə edib. Rəhbərlik baş məşqçi Stefano Pioliyə dəstək verib. Futbolçulara isə aprelin 30-dək bazanı tərk etmələri yasaqlanıb.
Hazırda "İnter" A Seriyasında 7-ci pillədə gedir. Milan təmsilçisi növbəti turda "Napoli" ilə qarşılaşacaq.
