Növbəti mövsüm üçün transfer çalışmalarını davam etdirən "Qarabağ" Qara Qarayevin ardından daha bir futbolçu ilə müqavilə yeniləyib. Sportnet.az-ın məlumatına görə, yarımmüdafiəçi Əfran İsmayılov daha bir il Ağdam klubunun şərəfini qoruyacaq.
Azərbaycan milllisinin də üzvü olan İsmayılov yeni müqavilə haqda fikirlərini klubun rəsmi saytına açıqlayıb: "Qarabağ" mənə doğma komandadır. Mənim üçün sevindirici haldır ki, daha bir il bu komandanın formasını geyinəcəyəm. Çalışacağam ki, öz oyunumla komandama xeyir verim və uğurlarımın üstünə uğur gətirim. Əsas məqsədimiz növbəti mövsüm daha yaxşı çıxış edib azarkeşlərimizi sevindirməkdir".
