İyulun 5-də 2017/2018 mövsümünün hazırlığına start verəcək "Kəpəz”in yoxlama görüşündə qüvvəsini sınayacaq daha bir rəqibi müəyyənləşib.
Gəncə təmsilçisinin baş məşqçisi Şahin Diniyevin Sportnet.az-a verdiyi məlumata görə, "Kəpəz” iyunun 8-də "Bakı” ilə qarşılaşacaq.
Bakının təlim-məşq bazasında baş tutacaq qarşılaşma saat 17:00-da başlayacaq.
Qeyd edək ki, iyulun 14-nə kimi paytaxtda hazırlıq keçəcək "Kəpəz”, iyulun 12-də "Neftçi” ilə qarşılaşacaq. Təlim-məşq toplanışının növbəti mərhələsi üçün "sarı-göylər” Türkiyəyə yollanacaq. "Kəpəz” ayın 15-dən 25-nə kimi Ərzurumda məşq edəcək. Qardaş ölkədəki toplanış dövründə komanda üç yoxlama oyunu keçirəcək. Gəncəlilər iyulun 20-də, 22-də və 24-də sınaq matçlarına çıxacaq.
Türkiyədən qayıtdıqdan sonra "Kəpəz” çempionata hazırlığın son mərhələsi üçün məşqləri Bakıda davam etdirəcək.
