İtaliya "Yuventus"u Paulo Dibalanı 150 milyon avroya satmağa hazırdır. Sportnet.az-ın "Corriere della Sera"ya istinadən məlumatına görə, Turin təmsilçisi yalnız bu qədər vəsait ödəyən klubun təklifini müsbət cavablandıracaq.
Argentinalı forvardın xidmətlərində İspaniyanın "Real Madrid" və "Barselona", həmçinin, İngiltərənin "Mançester Yunayted" klubları maraqlıdır. 24 yaşlı oyunçu "Yuve"də 2015-ci ildən çıxış edir. Bu il Dibala 25 matçda 15 qol vurub.
