Türkiyə Superliqasının lideri "Başakşehir" mövsümün ilk dövrəsində "Antalyaspor"da çıxış edən Samir Nasri ilə yaxından maraqlanır.
Sportnet.az-ın "Fanatikə" istinadən verdiyi məlumata görə, Abdulla Avcının rəhbərliyi altında ardıcıl iki mövsüm qış fasiləsinə birinci yerdə yollanan İstanbul təmsilçisi menecerlər vasitəsi ilə fransalı futbolçuya təklif göndərib.
"Antalyaspor"dan ayrılan yarımmüdafiəçi "Başakşehir"in təklifinə müsbət cavab verib. Samir Nasrinin karyerasını Türkiyədə davam etdirəcəyi gözlənilir.
