Azərbaycanın 21 yaşadək futbolçulardan ibarət millisinin üzvü Elnur Cəfərov Türkiyənin "Bursaspor” klubuna təklif olunub.
Sportnet.az olay.com saytına istinadən xəbər verir ki, 21 yaşlı futbolçunu Bursa təmsilçisinə menecerlər təklif edir. "Neftçi”nin formasını geyinən E.Cəfərovla Türkiyə Super Liqasında çıxış edən başqa bir klubun – "Kayserispor”un da maraqlandığı bildirilir.
Qeyd edək ki, "Xəzər Lənkəran”ın yetirməsi olan Elnur Cəfərov ötən ilin iyulunda "Neftçi” ilə 1 illik müqavilə bağlayıb. Hazırda 21 yaşadək futbolçulardan ibarət yığmanın heyətində Türkiyənin Antalya bölgəsində toplanışda olan cinah yarımmüdafiəçisi ötən ilin noybarında sosial şəbəkədə azarkeşi təhqir etdiyi üçün "Neftçi”nin əsas komandasından kənarlaşıdırılıb. Lakin daha sonra bağışlanıb.
