FIFA dünya yığmalarının yeni reytinq siyahısını açıqlayıb.
Sportnet.az xəbər verir ki, Azərbaycan milli komandası ötən ayla müqayisədə bir pillə geriləyib.
Yığma ötən ayla müqayisədə bir pillə geriləyib. Hazırda 281 xala malik komanda 118-ci pillədə qərarlaşıb. Ötən ay milli heç bir oyun keçirməyib.
Azərbaycan millisinin yanvarın 30-da və fevralın 2-də yoldaşlıq görüşü keçirəcəyi Moldova 112 xalla 166-cı, Kosovo 97 xalla 178-ci sıradadır. Moldovalılar 1 pillə irəlilədikləri halda, kosovalılar eyni sayda geriləyib.
Reytinqdə ilk 14 komandanın mövqeyində dəyişiklik olmayıb. Siyahıya 1602 xalla Almaniya başçılıq edir. Braziliya 1483 xalla 2-ci, Portuqaliya isə 1358 xalla 3-cü sıradadır.
Türkiyənin mövqeyində isə dəyişiklik baş verib. Bir pillə irəliləyərək 41-ci yerdə qərarlaşan "ay-ulduzlular” 735 xala malikdirlər.
