"Keşlə" yamaykalı hücumçu Andre Klennonu transfer edib.
Bu barədə Sportnet.az-a klubun mətbuat xidmətinin rəhbəri Səbuhi Məmmədov məlumat verib. Dünən Bakıya gələn 28 yaşlı forvard komanda ilə birlikdə Antalyaya yollanacaq.
Qeyd edək ki, Yamayka milli komandasının da 4 dəfə formasını geyinən Klennonun son klubu Finlandiyanın VPS klubu olub.
Xatırladaq ki, "Keşlə" Klennondan öncə Məqsəd İsayev, Kamran Ağayev, Pablo Podio, Herve Tçami, Nemanya Stoyanoviç və Vaqif Cavadovu heyətə cəlb edib.
