Topaz Premyer Liqasında XXIII turun son oyunu keçirilib.
Sportnet.az-ın məlumatına görə, Zirə İdman Kompleksinin stadionunda eyniadlı komanda ilə "Neftçi" üz-üzə gəlib. Görüş qonaqların böyük hesablı qələbəsi ilə yekunlaşıb - 3:0. Hesabı 10-cu dəqiqədə penaltidən Rəhman Hacıyev vurub.
Əsas hadisələr fasilədən sonra baş verib. 51-ci dəqiqədə "Zirə"nin makedoniyalı legioneri Yani Urdinov meydandan qovulub. Oyunun sonlarına doğru azarkeşləri "Zirə"nin baş məşqçisi Ayxan Abbasovun istefasını tələb ediblər. Buna cavab olaraq, Abbasov fanatlara sərt etiraz edib. Nəticədə o, texniki zonadan kənarlaşdırılıb.
"Neftçi" say üstünlüyündən oyunun sonlarında yararlanıb. 90-cı dəqiqədə İqnasio Herrera, 90+5-ci dəqiqədə isə Rəşad Sadiqov fərqlənib.
Beləliklə, "Neftçi" ilk dəfə Premyer Liqada "Zirə" üzərində qələbəyə imza atıb və 35 xalla 4-cü pillədə gedən rəqibi ilə xal fərqini minimuma endirib. İlk 3 pillədə isə müvafiq olaraq, 56 xalla "Qarabağ", 42 xalla "Qəbələ" və 39 xalla "Sumqayıt" qərarlaşıb.
---------------------------------------------
Topaz Premyer Liqasında XXIII turun daha bir oyunu başa çatıb.
Sportnet.az-ın məlumatına görə, "Kapital Bank Arena"da "Keşlə"ni qəbul edən "Sumqayıt" qələbəyə nail olub - 2:1. İlk yarıda qapılara qol vurulmayıb. Hər 3 qol üçüncü hissədə qeydə alınıb. 58-ci dəqiqədə meydan sahiblərindən Bəhlul Mustafazadə hesabı açıb. Bundan 10 dəqiqə sonra Məqsəd İsayev bərabərlik qolunu vurub. Lakin 81-ci dəqiqədə İsayev ikinci sarı vərəqəni alaraq, meydandan qovulub. Say üstünlüyündən yararlanan Samir Abasovun baş məşqçi olduğu komanda cəmi 2 dəqiqə sonra qələbə topuna imza atıb. Bu dəfə Ehtiram Şahverdiyev imza atıb. Həm Mustafazadə, həm də Şahverdiyev "Qəbələ"dən icarəyə götürülmüş futbolçulardır.
Bu qələbə sayəsində xallarını 39-a çatdıran "Sumqayıt" 3-cü pillədə möhkəmlənib. "Keşlə" isə 17 xalla 7-ci pillədə qalıb.
------------------------------------------------
Topaz Premyer Liqasında XXIII turun daha bir oyunu keçirilib.
Sportnet.az xəbər verir ki, Qəbələdə şəhərin eyni təmsilçisi ilə "Səbail” üz-üzə gəlib. Matçda hesabı qonaqlar açıb. Paytaxt təmsilçisinin heyətində 55-ci dəqiqədə Fəhmin Muradbəyli fərqlənib. Lakin meydan sahibləri 82-ci dəqiqədə Famussa Konenin qolu ilə yekun nəticəni müəyyənləşdiriblər – 1:1.
Bu heç-heçədən sonra komandaların turnir cədvəlindəki mövqeləri dəyişməz qalıb. "Qəbələ” 42 xalla 2-ci, "Səbail” isə 19 xalla 6-cı pillədədir.
Qeyd edək ki, ilk oyun günündə "Qarabağ” "Kəpəz”i bir cavabsız qolla məğlub edib. XXIII tura hazırda davam edən "Sumqayıt” – "Keşlə” və 19:00-da start götürəcək "Zirə” – "Neftçi” matçları ilə yekun vurulacaq.
--------------------------
Bu gün Azərbaycan Premyer Liqasında XXIII turun son 3 oyunu keçiriləcək.
Sportnet.az-ın məlumatına görə, "Qəbələ" doğma meydanda "Səbail"lə qarşılaşacaq. Komandalar indiyədək yalnız cari mövsümdə üz-üzə gəliblər. Bu matçlarda heç bir kollektiv meydanı qolsuz tərk etməyib. "Qırmızı-qaralar" 2, "göy-qaralar" isə 1 dəfə qalib olublar. Topların nisbəti Roman Qriqorçukun baş məşqçi olduğu komandanın xeyrinədir - 7:4.
Azərbaycan Kubokunun yarımfinal mərhələsində də üz-üzə gələn "Sumqayıt" və "Keşlə" komandaları bu dəfə XXIII turda qarşılaşacaqlar. Kubok matçında 0:1 hesabı ilə uduzan "Sumqayıt" doğma azarkeşlər önündə rəqibini məğlub etməyə çalışacaq. "Gənclik şəhəri" təmsilçisi son 3 çempionat oyununda paytaxt klubuna uduzmayıb. "Keşlə" isə "Sumqayıt"la oyunlarda ardıcıl 12 görüşdə meydanı qolsuz tərk etməyib. Bu, iki komanda arasında 24-cü çempionat qarşılaşması olacaq. Əvvəlki görüşlərdən 12-də "Keşlə", 4-də "Sumqayıt" qalib gəlibsə, 7 heç-heçə qeydə alınıb. Topların nisbətində də paytaxt təmsilçisi öndədir - 35:20.
Turun son və mərkəzi oyununda Avropa Liqasına vəsiqə qazanmaq istəyən iki komanda üz-üzə gələcək. "Zirə" evdə "Neftçi" ilə qarşılaşacaq. Flaqman Azərbaycan Premyer Liqasında rəqibini məğlub edə bilməyib. Qəsəbə təmsilçisi isə "Neftçi" ilə doğma meydandakı oyunlarda qələbə qazanıb və qapısından qol buraxmayıb. Əvvəlki 11 görüşdən 8-də "Zirə" qalib gəlibsə, daha 3 matç heç-heçə ilə nəticələnib. Topların nisbəti də "qartallar"ın xeyrinədir - 15:4.
15 aprel (bazar)
17:00. "Qəbələ” – "Səbail” 1:1
Qollar: Famussa Kone, 82 - Fəhmin Muradbəyli, 55
Hakimlər: Əliyar Ağayev, Zeynal Zeynalov, Cəmil Quliyev, Ziya Nəsirov
AFFA nümayəndəsi: Rauf Hüseynli
Hakim-inspektor: Əhmədağa Cabbarov
Qəbələ şəhər stadionu, 17:00 ("CBC Sport”/canlı)
18:00. "Sumqayıt” – "Keşlə” - 2:1
Qollar: Bəhlul Mustafazadə, 58. Ehtiram Şahverdiyev, 83 - Məqsəd İsayev, 68
Hakimlər: Rauf Cabbarov, Elman Musayev, Elşad Abdullayev, Ramil Diniyev
Qırmızı vərəqə: Məqsəd İsayev, 81 ("Keşlə)
AFFA nümayəndəsi: Erkin Hüseynov
Hakim-inspektor: Rövşən Əhmədov
"Kapital Bank Arena”
19:00. "Zirə” – "Neftçi” - 0:3
Qollar: Rəhman Hacıyev, 10-penalti ilə. İqnasio Herrera, 90. Rəşad Sadiqov, 90+5
Qırmızı vərəqə: Yani Urdinov, 51 ("Zirə")
Hakimlər: Rəhim Həsənov, Azər Əsgərov, Nahid Əliyev, Ömər Paşayev
AFFA nümayəndəsi: Abas Hüseynov
Hakim-inspektor: Murad Məmmədov
Zirə İdman Kompleksinin stadionu ("CBC Sport”/ canlı)
Qeyd edək ki, turun ilk matçında "Qarabağ" səfərdə "Kəpəz"i 1:0 hesabı ilə məğlub edib.
