1 | Qarabağ | 18 | 47 |
2 | Araz-Naxçıvan | 18 | 39 |
3 | Turan Tovuz | 18 | 32 |
4 | Zirə | 18 | 30 |
5 | Sabah | 18 | 26 |
6 | Sumqayıt | 18 | 20 |
7 | Şamaxı | 18 | 17 |
8 | Neftçi | 18 | 17 |
9 | Kəpəz | 18 | 11 |
10 | Səbail | 18 | 9 |
Ətraflı |
Azərbaycan yığması əsas mərhələdə
U-19 mübarizəyə əsas mərhələdən başlayacaq
19 yaşadək futzalçılardan ibarət milli komandalar arasındakı ilk Avropa çempionatında 35 komanda qatılacaq.
Sportnet.az xəbər verir ki, həlledici mərhələyə ev sahibliyi edəcək milli istisna olmaqla qalan 34 komanda ilkin və əsas mərhələdə yarışacaq. Daha doğrusu, reytinq cədvəlində son 8 sırada yer alan komandalar 21 - 26 yanvarda keçiriləcək ilkin mərhələdə iştirak edəcək. Komandalar hər birində 4 iştirakçı olmaqla 2 qrupa bölünəcəklər. Ancaq qrup qalibləri əsas mərhələdə yarışacaq. Elə millimiz də mübarizəyə bu mərhələdən başlayacaq.
26 - 31 martda keçiriləcək əsas mərhələdə 28 komanda iştirak edəcək. Bu dəfə komandalar 7 qrupda mübarizə aparacaq. 7 qrupun qalibi həlledici mərhələdə mübarizəni davam etdirmək hüququ qazanacaq. Hələlik final mərhələsinin hansı ölkədə keçiriləcəyi məlum deyil. Finalçı ölkənin adı sentyabrın 27-də keçiriləcək UEFA İcraiyyə Komitəsinin iclasında müəyyənləşəcək. Gürcüstan və ya Latviya gələn ilin sentyabrında keçiriləcək həlledici raunda ev sahibliyi etmək istəyir. Seçmə mərhələnin püşkü noyabrın 1-də Nyon şəhərində keçiriləcək. Qalibin adı isə 2019-cu ildə 8-14 sentyabr tarixlərində baş tutacaq final mərhələsində müəyyənləşəcək.
Reqlamentə əsasən, 8 komanda bu mərhələdə iki qrupda yarımfinala yüksəlmək üçün mübarizə aparacaq. İlkin və əsas mərhələdən mübarizəyə başlayacaq komandaların siyahısını diqqətinizə çatdırırıq:
İlkin mərhələ (21-26 yanvar)
İsveç, Monteneqro, Kosovo, Yunanıstan, Litva, Kipr, Andorra, San Marino
Əsas mərhələ (26-31 mart)
Rusiya, İspaniya, Portuqaliya, Qazaxıstan, Ukrayna, Azərbaycan, İtaliya, Serbiya, Sloveniya, Xorvatiya, Macarıstan, Çexiya, Rumıniya, Polşa, Fransa, Slovakiya, Belarus, Hollandiya, Bosniya və Herseqovina, Belçika, Gürcüstan*, Makedoniya, Finlandiya, Latviya*, Türkiyə, Moldova, İngiltərə
Qeyd edək ki, Gürcüstan və Latviya federasiyalarından biri final mərhələsinə ev sahibliyi edəcək.