Bu gün Ukrayna Premyer Liqasının 12-ci turunda "Vorskla” (Poltava) və "Dinamo” (Kiyev) qarşılaşıb.
Sportnet.az-ın məlumatına görə, Avropa Liqasında "Qarabağ"ın rəqibi olan "Vorskla” öz meydanında kiyevlilərə 0:1 hesabı ilə uduzub.
Bununla da xallarını 29-a çatdıran "Dinamo” turnir cədvəlində ikinci yerdə möhkəmlənib və 31 xalı olan lider "Şaxtyor”la xal fərqini azaldıb. "Vorskla” isə məğlubiyyətə baxmayaraq, turnir cədvəlində yenə 4-cü yerdədir. Poltavalılar ən yaxın izləyicisi "Mariupol”u 1 xal qabaqlayır. "Mariupol” 12-ci turda "Zarya"ya 3:2 hesabı ilə qalib gələrək xallarını 17-ə çatdırıb.
Qeyd edək ki, "Vorskla" növbəti görüşü oktyabrın 25-də Bakıda "Qarabağ"a qarşı keçirəcək.
