UEFA Çempionlar Liqasının qrup mərhələsində III tura yekun vurulub.
Sportnet.az xəbər verir ki, turun ikinci oyun günündə 8 matç keçirilib. Türkiyənin turnirdəki yeganə təmsilçisi "Qalatasaray" doğma azarkeşlər önündə Almaniyanın "Şalke" klubunu sınağa çəkib. Görüş qolsuz yekunlaşıb. Qrupun digər görüşündə "Lokomotiv" Rusiyada Portuqaliya "Portu"suna 1:3 hesabı ilə uduzaraq, 1/8 finala vəsiqə şanslarını faktiki itirib. "Portu" isə əsas rəqiblərinin xal itkisindən maksimum yararlanaraq, xallarını 7-yə çatdırıb və vahid liderliyini möhkəmlədib. "Şalke"nin 5, "Qalatasaray"ın 4 xalı var.
Günün mərkəzi qarşılaşması isə İspaniyada "Barselona" və İtaliya "İnter"i arasında keçirilib. B qrupunun matçında meydan sahibləri 2:0 hesablı qələbə qazanaraq, 1/8 fnala vəsiqəni böyük ölçüdə təmin edib.
Analoji hal A qrupunda da yaşanıb. Almaniya "Borussiya"sı Dortmundda İspaniya "Atletiko"sunu 4:0 hesabı ilə darmadağın edib və xallarını 9-a çatdırıb. C qrupunda "Liverpul" İngiltərədə Serbiya "Srvena Zvezda"sını eyni hesabla yenib. PSJ isə Fransada İtaliya "Napoli"sinə məğlubiyyətdən uzatma dəqiqələrində qurtulub.
Çempionlar Liqası, III tur
24 oktyabr
A qrupu
20:55. "Brügge" (Belçika) - "Monako" (Fransa) -1:1
Qollar: Uesli, 39 - Mussa Silla, 32
23:00. "Borussiya" (Dortmund, Almaniya) - "Atletiko" (Madrid, İspaniya) - 4:0
Qollar: Aksel Vitsel, 38. Rafael Gerreyro, 73; 89. Ceydon Sanço, 83
Xal durumu: "Borussiya" - 9, "Atletiko" - 6, "Monako" - 1, "Brügge" - 1.
B qrupu
20:55. PSV (Eyndhoven, Hollandiya) - "Tottenhem" (İngiltərə) -2:2
Qollar: İrvinq Losano, 30. Lük de Yonq, 87 - Lukas, 39. Harri Keyn, 55
23:00. "Barselona" (İspaniya) - "İnter" (İtaliya) - 2:0
Qollar: Rafinya, 32, Xordi Alba, 83
Xal durumu: "Barselona" - 9. "İnter" - 6. PSV - 1, "Tottenhem" - 1.
C qrupu
23:00. "Liverpul" (İngiltərə) - "Srvena Zvezda" (Serbiya) - 4:0
Qollar: Roberto Firmino, 20. Məhəmməd Salah, 45; 51. Sadio Mane, 80
23:00. PSJ (Fransa) - "Napoli" (İtaliya) - 2:2
Qollar: Mariu Ruy, 61 (öz qapısına). Anxel Di Maria, 90+3 - Lorentso İnsinye, 29. Dris Mertens, 77
Xal durumu: "Liverpul" - 6, "Napoli" - 5, PSJ - 4, "Srvena Zvezda" - 1.
D qrupu
23:00. "Qalatasaray" (Türkiyə) - "Şalke" (Almaniya) - 0:0
23:00. "Lokomotiv" (Moskva, Rusiya) - "Portu" (Portuqaliya) - 1:3
Qollar: Anton Mirançuk, 38 - Mussa Mareqa, 26 (pen.). Ektor Errera, 35, Xesus Korona, 47
Xal durumu: "Portu" - 7, "Şalke" - 5, "Qalatasaray" - 4, "Lokomotiv" - 0.
