İtaliyanın paytaxtı Romanın mərkəzində metro eskalatorunun uçması nəticəsində Rusiya MOİK-inin 20-dək azarkeşi xəsarət alıb.
Sportnet.az-ın məlumatına görə, bu barədə "RİA Novosti"yə Roma şəhər Polis İdarəsindən açıqlama verilib. "MOİK-in azarkeş qrupu stansiya ilə aşağı enərkən eskalator qırılıb. Ən azı 8 nəfərə müxtəlif yaralar alıb. Onların sayı arta bilər. Hazırda yaralılar şəhərin tibb müəssisəsinə göndərilib" deyə vurğulanıb.
İnsident nəticəsində xəsarət alanlardan biri ayağını itirib, beşi isə ağır yaraılıdır.
"Repubblica" stansiyası bu gün "Roma" və MOİK komandaları arasında Çempionlar Liqasının III tur matçının keçiriləcəyi "Olimpiko" stadionu istiqamətindəki metro xəttində yerləşir. Hadisədən sonra stansiya bağlanıb.
Qeyd edək ki, görüş Bakı vaxtı ilə saat 23:00-da başlanacaq.
