APOEL komandası Bakıda "Qarabağ"la keçirəcəyi Avopa Liqasının qrup mərhələsinin III tur matçı ərəfəsində Kipr çempionatında ardıcıl üçüncü qələbəsini qazanıb.
Sportnet.az-ın məlumatına görə, Nikosiya təmsilçisi VI turun “Doha Katakokia”ya qarşı ev oyununda 2:0 hesabı ilə qalib gəlib. Qolları Linus Hallenius və Andriya Pavloviç vurub.
Hazırda APOEL 3 oyundan 9 xalla 5-ci pillədə qərarlaşıb. Lakin bu komandanın ehtiyatda 3 görüşü də var.
Qeyd edək ki, "Qarabağ”l və APOEL komandaları oktyabrın 24-də Tofiq Bəhramov adına Respublika stadionunda görüşəcəklər. Oyun saat 20:55-də başlanacaq.
