İngiltərə "Arsenal"ının futbolçusu Mesut Özil Türkiyə Qırmızı Aypara Cəmiyyətinə 80 000 funt sterlinq yardım edib.
Sportnet.az-ın "The Sun"a istinadən verdiyi məlumata görə, vəsait oruc tutmağa koronavirus pandemiyası şəraitində məcbur olan müsəlmanlara dəstək üçün xərclənəcək. Türk əsilli yarımmüdafiəçi Türkiyə ilə Suriyada 16 000 insanı müqəddəs Ramazan ayı ərzində ərzaq və dava-dərmanla təmin edəcək.
Qeyd edək ki, Məsut Özil "Arsenal"ın ən yüksək ödənişli futbolçularındandır. Daha əvvəl Britaniya mətbuatı Özilin pandemiya müddətində əmək haqqının azaldılmasına etiraz edən 3 futbolçudan biri olduğunu yazıb. Bununla belə, 32 yaşlı yarımmüdafiəçi daim xeyriyyəçiliklə məşğul olur.