Argentina yığmasının və İspaniya "Barselona"sının futbolçusu Lionel Messi karyerasını İngiltərədə davam etdirə bilər.
"Report" xəbər verir ki, bu barədə tanınmış argentinalı jurnalist Kristian Martin bildirib.
Messi Kataloniya təmsilçisindən gedəcəyi təqdirdə "Mançester Siti" ilə müqavilə imzalaya bilər. Hücumçunun əvvəllər “Barselona”da çalışmış Xosep Qvardiola ilə yenidən bir araya gələcəyi qeyd edilir.
Xatırladaq ki, daha əvvəl Messinin "Barselona"nı tərk etmək istəməsi barədə məlumat yayılıb.
33 yaşlı Messi "Barselona"nın yetirməsidir. Argentinalı hücumçu cari mövsümdə İspaniya çempionatının 28 matçında (27 matçda əsas heyətdə) iştirak edərək 22 qol vurub, 17 məhsuldar ötürmə edib.
Futbolçunun klubla müqaviləsi 2021-ci ilin yayında bitir.
