Azərbaycan Premyer Liqasında V turun növbəti oyunu keçirilib.
Sportnet.az-ın məlumatına görə, "Neftçi" Zirə İdman Kompleksinin stadionunda yerli komandanın qonağı olub.
Görüş meydan sahiblərinin qələbəsi ilə yekunlaşıb - 1:0. Yeganə qolu 90+5-ci dəqiqədə Voyislav Stankoviçin müdafiə xəttindəki kobud səhvindən sonra Davit Volkov vurub.
Bununla da xalını 10-a çatdıran "Zirə" liderliyə yüksəlib. "Neftçi" 7 xalla 4-cü pillədə qalıb.
Qeyd edək ki, günün ilk matçında "Qəbələ" və "Sumqayıt" komandaları da heç-heçə oynayıblar - 1:1. Dünən keçirilən açılış oyununda "Keşlə" səfərdə "Sabah"a qalib gəlib. "Qarabağ" - "Səbail" görüşü isə təxirə salınıb.
-----------------------
Bu gün futbol üzrə Azərbaycan Premyer Liqasında V turun daha bir oyunu keçirilib.
Sportnet.az-ın məlumatına görə, Qəbələ şəhər stadionunda eyniadlı komanda "Sumqayıt"ı qəbul edib. Qarşılaşma 1:1 hesablı heç-heçə ilə başa çatıb.
Matçda hər iki qol ilk hissədə vurulub. 26-cı dəqiqədə çempionatın bombardiri Əli Qurbani qonaqları hesabda önə keçirib. Bu, 30 yaşlı oyunçunun cari mövsümdə 5-ci qolu olub. Cənubi azərbaycanlı forvard 12 dəqiqə sonra isə zədələnərək meydanı tərk edib. Hissənin əsas vaxtının başa çatmasına 1 dəqiqə qalmış meydan sahibləri tarazlığı bərpa ediblər. Bu, eyni zamanda matçın yekun nəticəsi olub.
Beləliklə, xalını 8-ə çatdıran "Sumqayıt" "Keşlə" ilə 1-2-ci yerləri bölüşür. Ardıcıl üçüncü matçından heç-heçə ilə ayrılan "Qəbələ" isə 4 xalla sonuncu pillədən azad olub və 7-ci sıraya yüksəlib.
Qeyd edək ki, V turun ilk oyununda dünən "Keşlə" səfərdə "Sabah"a qalib gəlib. "Qarabağ" - "Səbail" matçı isə təxirə salınıb.
------------------------
Bu gün Azərbaycan Premyer Liqasında V turun daha 2 oyunu keçiriləcək.
Sportnet.az-ın məlumatına görə, günün ilk matçı əyalətdə olacaq. "Qəbələ" eyniadlı şəhər stadionunda "Sumqayıt"ı qəbul edəcək. Qarşılaşma saat 14:00-da start götürəcək.
4 turdan sonra 3 xalı olan "qırmızı-qaralar" sonuncu pillədə qərarlaşıb. "Gənclik şəhəri" təmsilçisi isə 7 xalla 2-ci sıradadır.
Ölkə çempionatında 31 dəfə üz-üzə gəlmiş tərəflərin duelində "Qəbələ"18, "Sumqayıt" 4 dəfə qələbə sevinci yaşayıb. 9 matçda qalib müəyyənləşməyib. Topların nisbəti də meydan sahiblərinin xeyirinədir - 53-24. “Qəbələ” 16 ev oyununun yalnız birində uduzub. “Sumqayıt” son 4 matçda bir dəfə xalsız qalıb.
Günün son oyununda isə "Zirə" və "Neftçi" komandaları üz-üzə gələcəklər. Zirə İdman Kompleksinin stadionunda keçiriləcək görüş saat 16:00-da başlayacaq.
Komandalar 7 xalla turnir cədvəlində 3-4-cü yerləri bölüşdürür. Tərəflər Premyer Liqada 18 dəfə qarşılaşıblar. Bu oyunların 9-da "Zirə", 4-də "Neftçi" qalib gəlib. 5 qarşılaşmada isə heç-heçə qeydə alınıb. "Qartallar"ın vurduğu 21 qola "ağ-qaralar" 18 qolla cavab veriblər. Son 5 oyunda qonaq olan komanda qələbə qazanmayıb. “Neftçi” son 8 matçda bir dəfə uduzub.
3 oktyabr (şənbə)
Azərbaycan Premyer Liqası, V tur
14:00. “Qəbələ”– “Sumqayıt” - 1:1
Qollar: Rafael Utriq, 44 - Əli Qurbani, 26
Hakimlər: Əliyar Ağayev, Akif Əmirəli, Müslüm Əliyev, Rəşad Əhmədov
Hakim-inspektor: Munis Abdullayev
AFFA nümayəndəsi: İlham Əliyev
Qəbələ şəhər stadionu
16:00. “Zirə” – “Neftçi” - 1:0
Qol: Davit Volkov, 90+5
Hakimlər: Elçin Məsiyev, Pərvin Talıbov, Kamran Bayramov, Rəhim Həsənov
Hakim-inspektor: Anar Salmanov
AFFA nümayəndəsi: Rüfət Əmirov
Zirə İdman Kompleksinin stadionu.
Qeyd edək ki, turun açılış oyununda "Keşlə" səfərdə "Sabah"ı 2:0 hesabı ilə məğlub edib. "Qarabağ" - "Səbail" matçı isə təxirə salınıb.
İKİ
